jueves, 22 de noviembre de 2012
lunes, 12 de noviembre de 2012
Nova edición de Terractiva en Arzúa.
MALIA OS RECORTES ORZAMENTARIOS
Arzúa aposta un ano máis
pola maior feira ecolóxica de Galicia
Os días 17 e 18 de novembro celebrarase en Arzúa unha nova
edición da maior feira ecolóxica de Galicia. A pesar de non contar, por
primeira vez, co financiamento da Deputación da Coruña, o Concello decidiu
continuar co evento. Así, os produtos naturais, os máis innovadores, as
terapias alternativas e as produtoras e produtores locais -das feiras do 8 e
22- encherán o Recinto Feiral Terra do Queixo.
As solicitudes para contar cun stand na IX edición da Feira
Ecolóxica de Arzúa superaron en poucos días o límite de espazo físico do
Recinto Feiral Terra do Queixo, o que asegura o “éxito” do evento, afirma o
responsable de Culturactiva SCG, empresa xestora da Feira, Manuel Vicente. O
público que asista terá ao seu dispór máis de trinta postos de diversos
produtos e servizos naturais.
jueves, 8 de noviembre de 2012
GRATIFEIRA EN SILLEDA O SÁBADO 10 NOVEMBRO.
Como xa anunciaramos hai unhas semanas, Olaia vai colaborar desta volta coa ONG Solidaridade Galega co Pobo Saharaui. Esta organización está levando a cabo unha campaña de recollida e reciclaxe de roupa a nivel de toda Galicia, dentro do programa de axuda "Vacacións en Paz", que trae a Galicia no verán a nenos e nenas saharauis para seren acollidos en fogares galegos. Porén, toda a roupa e o calzado que sobren durante a Gratifeira, serán donados a esta ONG.
Animamos encarecidamente á participación veciñal neste tipo de actividades solidarias, pois cremos que son o método máis efectivo, directo e gratificante de axudar a paliar en gran medida os efectos desta chamada "crise"
A Asociación de Veciños Olaia organiza a segunda edición da GRATIFEIRA en Silleda.
¿QUÉ É UNHA GRATIFEIRA?
Unha GRATIFEIRA é unha feira onde todo é gratis. Isto non quere dicir que sexa unha feira de troco ou intercambio. Vai máis aló dese concepto, porque aquí non hai noción de reciprocidade. O lema da feira é “Trae o que queiras ou nada; leva o que queiras ou nada”.
Desde nenos ensínannos que para recibir sempre hai que dar algo a cambio, e viceversa. Como consecuencia disto, sempre que damos esperamos recibir outra cousa, anque namáis sexa o agradecemento ou o recoñecemento por parte de alguén. Este non é o caso. Eu dou algo simplemente porque teño algo para dar, e non espero recibir nada por iso. Fágoo polo simple pracer de dar, pois nin siquera sei quen o vai recibir. Dou algo porque non o preciso, e penso que lle pode servir a outros.
Por outra banda, aínda estamos menos acostumados a recibir, pois resúltanos moitas veces violento e mesmo embarazoso recibir un agasallo e non corresponder dalgún xeito. Sentímonos mellor cando “a débeda está saldada”. Aquí temos a oportunidade de aprender a recibir sen sentírmonos en débeda con ninguén ou na obriga de ter que restituír de algún modo ese “favor” ou ese “detalle”.
¿QUÉ PODEMOS ATOPAR NUNHA GRATIFEIRA?
Na GRATIFEIRA compartimos:
Roupa, mobles, libros, xoguetes, música, tecnoloxía, ferramentas, arte, menaxe, etc.
Podemos traer todas aquelas cousas que xa non precisamos ou que simplemente xa non estamos utilizando. É necesario que todo estea limpo e en bo uso, pois non podemos dar a ninguén o que nós consideraríamos indigno recibir. Neste espazo, esas cousas atoparán outras personas que as aproveitarán e as agradecerán.
UN BO MOMENTO E UN BO EXEMPLO
Esta iniciativa chega nun momento marcado pola crise económica e o desemprego, o que motiva que moitas familias teñan serias dificultades para saír adiante ou que mesmo carezan totalmente de ingresos. Coa GRATIFEIRA, sementamos a intención de relacionarnos desde a cooperación en lugar de facelo desde a competencia, tal e como nos ensinaron.
Disfrutemos dando exemplo ós nosos fillos, que medran remedando ós país. Son eles os que teñen que cambiar este mundo cheo de ambición, consumismo e depredación por outro máis humano, sostible e cooperante.
OBXECTIVOS DA GRATIFEIRA
Entre os obxectivos dunha GRATIFEIRA, atópanse os seguintes:
• Desterrar pouco a pouco a idea de escasez ou miseria, de que non hai suficiente para todos. Hai dabondo se compartimos o que temos e non nos adicamos a acumular avariciosamente incluso aquilo que nin siquera usamos
• Evitar tirar ó lixo tódalas cousas das que nos queremos desprender. Desta maneira contribuímos a paliar a contaminación, apostamos pola reciclaxe e alongamos a vida útil dos bens nas mans doutras personas que os precisan
• Contribuímos á posta en práctica de conceptos como a sociabilización, a cooperación e o altruísmo
• Aprendemos a desprendernos das cousas con naturalidade, sen pesar, e aprendemos a recibir coa mesma naturalidade, sen sentimentos de obrigas ou de vergonza
A GRATIFEIRA é unha maneira de contrarrestar o egoísmo e o consumismo innecesario que o modelo de sociedade imperante case nos obriga a adoptar, substituíndoos pola cooperación, o apoio mútuo e a solidariedade.
Nunha GRATIFEIRA destérrase definitivamente o falso concepto de “se ti gañas, eu perdo”. Aquí gañamos todos.
CÓMO PARTICIPAR
A maneira de participar non pode ser máis sinxela: acudindo á GRATIFEIRA, xa sexa como simple espectador ou contribuíndo co que queirades, e por suposto, levando o que cada un desexe levar. Todos seredes benvidos.
Anque o evento estará aberto ó público o sábado 10 e o domingo 11, os que queirades ir traendo cousas podédelo facer na tarde do venres, de 5 a 8 da tarde. Sería desexable que chamasedes por teléfono ou nolo comunicases con antelación.
Se desexades máis información, poñédevos en contacto con nós nos seguintes teléfonos:
Maricarmen 639232800
Lucía 666605667
Sonia 655852890
DATA, LUGAR E HORARIOS:
Días 10 e 11 de novembro
Pza. do Siñor Afranio (frente á Casa da Cultura-Rúa Cartaxena nº 1)
Mañán: de 11 a 2 – Tarde: de 17 a 20:30
viernes, 2 de noviembre de 2012
Congreso Desenvolvemento Rural e LEADER 2014-2020, en Compostela.
Bos días,
Adxuntamos tríptico do Congreso de Desenvolvemento Rural
e Leader “Horizontes 2014-2020”. , que vaise levar a cabo os vindeiros
7,8 e 9 de novembro na facultade de Xeografía e Historia de Santiago de
Compostela.
Se están interesados en asistir deben contactar co GDR Terras
do Deza a maior brevidade posible , ben chamando ao número 986 794
463 o enviar un correo eletrónico a:
Info@gdrterrasdodeza.com
Agardamos contar coa vosa presenza.
Un saúdo.
Suscribirse a:
Entradas (Atom)