logo da nosa anterior comunicación a respecto da Feira de Sementes, permitídeme que vos lembre que xa falta menos para ese día que para nós ten unha
importancia moi especial, xa que se trata de mostrar o traballo de todo un ano.
Como sabedes, a FUNDACIÓN G.V. é unha entidade sen ánimo de lucro, polo que precisamos moito ánimo do outro para poder desenvolver un traballo que
a nós, na nosa loca fantasía, nos parece de servicio público, polos nosos propios medios (que son escasos) e sen recibir apoio económico das institucións, salvo a
axuda que permanentemente nos presta o Concello de Forcarei. A Feira é unha das pouquísimas ocasións das que dispoñemos (aparte dos cursos e as vendas pola
rede) para procurarnos fondos cos que poder desenvolver o proxecto da Fundación e asumir as notables melloras que temos emprendidas.
Por iso pedimos unha vez máis a vosa colaboración reenviando esta información a aquelas persoas ás que pensedes que lles poida interesar e, por suposto, asistindo
á Feira. Aquel@s que xa coñecedes a Fundación, sabedes que é un lugar para estar ben; e @s que levades anos repetindo que ides vir, pero non dades feito ... non se
me ocorre mellor ocasión que esta para que vos poñades a ben coa vosa conciencia e pasedes un día estupendo con toda a familia.
Gracias e ata moi pronto,
Mabel Rivera (FUNDACIÓN G.V.) 
No hay comentarios:
Publicar un comentario